He oranga kei te pae mō tētahi kamupene whai raihana Māori

Kei te Māori ngā tatau kino rawa atu mō te kore raihana me te aituā runga rori, ā, mō ngā tau e rima kua hiahia a David Ratu me tana kamupene Māori a Access ki te panoni i tēnei tatau.

Hei tā David Ratu, mōhio mārika ana rātou ko tā rātou whāinga ko tātou anō, ko te take nā te kaha kite i a tātou i roto o ngā tatau mō te hunga kore raihana, ngā aituā, aha kē, aha kē.

Ko David te tāhūhū o Access, heoi e rata ana ia ki te whakaako ā- kanohi ki te kanohi i āna ākonga, ā e ai ki a ia kua hanga āna rautaki ako mā te hunga rangatahi Māori.

“E mohio mātou ngā whakaaro o te hunga Māori, ā, e mōhio ana ngā huarahi ako.  Koirā tā mātou whāinga, kia whai māramatanga ai ngā ākonga.”

Kāore e kore, mā Access a Aotearoa Raihana-Kore e kawe ki te huarahi o te māramatanga.