He pakanga ā-ture tā Tāmaki Legal hei tautoko i ngā hōia Māori

He whakatau i ngā take kei mua i te aroaro o Barney Tupara, hei whakatau i ngā taumahatanga mō ngā hōia Māori.

Hei tā Barney Tupara, “Ko te tino hiahia o te tumuaki o ngā Tiati, a Chief Judge Wilson Isaac, mō ngā kaikereme i raro i te maru o tēnei kaupapa ko ngā hōia Māori i hāere ki tāwāhi.”

“Kei konei te tari roia nei ko Tamaki Legal, te tino hiahia hoki o te tumuaki o konei a Darell Naden, no te Tairāwhiti me tōna tino hiahia ki te whakatika i ngā mahi hē a te Karauna i raro i te taumahatanga o tēnei kaupapa.”

E ai ki ngā ture o te Tiriti, me whakatewhatewha e te Taraipiunara mehemea kua whatia te whakamarumaru, kua whakahaweatia rānei a ngāi Māori, i ngā mahi pakanga, a muri ake nei.

Hei tā Mita Tupara, “He tino hē ngā mahi a te Karauna, kua ngaro kē ngā tiakitanga mō rātou, mō ētahi o rātou kāore he putea ki te awhi, me ētahi atu, ngā mate, ngā māuiuitanga kei runga i a rātou.”

He kaupapa hōu tēnei mō te Taraipiunara, he tuatahitanga mō te aro ki ngā āhuatanga oranga, he kerēme ā-kaupapa.

Hei tā Mita Tupara, “I tērā wiki, kua whakapuaki tētahi whare taonga hōu ki te whakanuia ngā hōia Māori nō te Tairāwhiti, he rerekē te āhuatanga hei whakanuia me whakapai hoki ēnei nga mahi hē a te Karauna.”

Hei te Rāhina e tū mai nei ka whakatūria tētahi hui e Tamaki Legal ki Te Maharatanga Pakanga o Māngere hei whakamārama i ngā tini āwangawanga mō te kerēme nei.