He pou pīhopa kei te whakahokia ki tētahi iwi o Te Tai Tokerau

Reverend Te Kitohi Pikaahu

He pou pīhopa, kua whakairohia ki te tohu Māori, kei te whakahokia ki tētahi iwi o Te Tai Tokerau.

I takohangia te pou ki tētahi whare karakia mihingare tata ki te kotahi rautau ki muri, mō āna mahi hāpai i te hapori.  Ā, hei tohu i te rua rau tau o te whare karakia ki Oihi i Te Tai Tokerau, kāore he taonga i kō atu i tēnei.

Tata ki te kotahi rau tau tēnei pou pīhopa e huna ana ki tētahi rūma pupuri rauemi o tētahi whare karakia o Tāmaki, ināianei kua puta tēnei tokotoko o te hāhi rongopai ki te ao mārama. Me te mea atu a ētahi he tohu nō te atua.

Hei tā Te Kitohi Pikaahu, “Ko te rākau o te pīhopa i tukua e o mātou mātua, he kotahi rau tau ki muri i Oihi. Nā tō rātou whakaaro nui ki te pīhopa o Akarana i te paunga o te rua tau o te haerenga mai o te rongopai.”

I te tau tahi mano iwa rau tekau mā whā i tākohangia e Te Taitokerau te tokotoko nei ki a Pīhopa Averill nō te Hāhi Rongopai o Tāmaki, hei tīpako i a rātou mahi ki roto i Te Taitokerau.

Ki tā Te Kitohi Pikaahu, “Ko tēnei rākau ko te tohu o te hēpara te tohu mō te pīho pā, nā ratou i kōkiri te ahua Māori mō tēnei tokotoko.”

He oruatanga noa i kitea i te tīmatanga tau nei. I tēnei rā e tohu ana ia i te whakakotahitanga o ngā iwi e rua.

E ai ki a Te Kitohi Pikaahu, “Hei tēnei tau ka pau te rua rau tau kua hoki te rakau, te tokotokod ki roto i te ringa Māori. Ko ia au i haere mai ki roto i tēnei karakia kua tukua nā kua hoki mai ki roto i te pīhopātanga o Te Tai Tokerau.”

Kihai te hāhi e mohio ana nā wai i whakarakei, heoi e tūmanako ana rātou ka puta tētahi ki te whakamārama mai i tāna whakapapa.