He rahi ake ngā taonga e puta mai ana i ngā whārangi ipurangi

Hei tā tētahi pukenga tiaki tāonga Māori, he tini anō te hunga o roto i tana ahumahi e āwangawanga ana ki te tini o ngā tāonga Māori e hokona atu ana mā runga ipurangi. 

Hei tā Puawai Cairns, arā te tini o te hunga ka kite i ngā tāonga, horekau kē e mohio ana ki ngā ture, ka pōhēhē, nō rātou kē.

I kitea tēnei tāonga kumete, e hokona ana ki runga i te whārangi pukamata 'Tauranga Buy Swap Sell'. 

A, hei tā te Manatū Taonga, ehara tēnei i te kēhi tuatahi, i hoko atu ai te tangata i tētahi taonga nānā anō i kite. 

Ma roto mai i te Ture Protected Objects, me he mea ka kite te tangata i tētahi tāonga ki ōnā whenua, me rēhita te tāonga ki tētahi whare taonga, ki te Manatu raini. Mō muri ake, nā, ka timata ngā mahi rapu, tuku pātai hoki ki te tangata, rōpū raini nā rātou te taonga tuturu, ā, ka tāea te tangata nānā hoki te tāonga i kite, me wai raini te tuku kereme atu.  

E tumanako ana te Manatu Tāonga ka whaia ko te tukanga tika, ka hoko ana he tāonga anamata nei.