He rāhui kaimoana hei whakaora i ngā koura

I ngā tau ki muri e mohiowhanuitia ana a Te Whanganui a Tara mō tana kapata kai i te moana, engari i enei rā kua mimiti hāere te puna kaimoana.

E rima tekau tau a Bruce Stewart e noho ana i konei ki te tahamoana o Taputeranga, a he maha ona mahara mō ngā mahi rukumoana ki ēnei wai.

E ai ki tētahi kaikoiora o te moana, ki a Jonathon Gardner, kāre e kore ka eke ngā nama o ngā koura, engari ka raru ngā kairukumoana nā te mea ka noho tapu ēnei koura i roto i te mataitai nei.