He rautaki whakatūturu pounamu nō Aotearoa tā Ngāi Tahu

Kei te piki haere te hunga hiahia i ēnei taonga kōhatu kua whakamanahia e Ngāi Tahu.

Kua hangaia a Ngāi Tahu he rautaki whakatūturu pounamu nō Aotearoa, e taea ai te whakamārama nō hea, he aha te momo, ā, nā wai hoki i whakairo. 

He oranga te mahi nei ki te maha Ngāi Māori nō Hokitika, te whakamahi i te kuru pounamu nō roto mai i te awa o Arahura, kia puta ai tētahi taonga whakakai pēnei.  Engari, arā ngā whakatūpato.

Hei tā Jymal Morgan (Ngāi Tahu), "Nā iwi kē atu i whakairo i o mātou āhua, i whenua kē atu rātou, e titiro ana ki te ipurangi ka kite rātou i tētahi koru kātahi ka tāruatia."

E raru ana te mahi hoko pounamu i ngā mahi a te hunga kohi pounamu me te kore raihana, me te aha, ka raru hoki ngā pakihi a ngā whānau nei.

Nā kona te hanga a Ngāi Tahu i tētahi pūnaha hōu, e mōhiotia ai, nō hea, ko tēhea momo, ā nā wai hoki te kōhatu i whakairo. 

E ai ki a Morgan, "He raru anō tērā e kaha kitea nei e mātou o Ngāi Tahu engari mā tēnei rauraki, mā tēnei huarahi, ka aukati tēnei ki a rātou."

Hei tāna anō, ko te hunga tārua i ngā mahi whakairo pounamu a te Māori mō te hoko ki tāwāhi me te kī atu, he taonga tūturu nō Aotearoa, kei te kaha whakahēngia.  Anō hoki, he hiahia nō ngā kāinga, ngā whaitua o tēnā muka, o tērā muka o tō mātou motu, te Wai o Poutini, Te Tai o Poutini, Te Waipunamu te whakahokia mai te auē i a tātou e kitea tēnei taonga."

Ināianei e tūmanako ana a Ngāi Tahu, ka puritia tonutia e rātou te mauri o ō rātou taonga, hei oranga mō a rātou uri whakatipu.