He tīmatanga hōu mō ngā pārurenga kua tūkinotia ki te kāinga

He whare haumaru i ngā wāhine kua pākinohia e te tāne, e te whānau rānei, kua roa e manaaki ana, e awhi ana i te wahine ahakoa nō hea, ahakoa ko wai.

Heoi i roto i ngā tau e ono ki muri, kua tahuri te whare o Te Whakaruruhau i Kirikiriroa ki te haumaru, me te awhi hoki i te hunga tāne.

He kaupapa kāre e kitea ana i wāhi kē, arā, ko te hononga o tētahi whare haumaru wāhine ki tētahi whare herehere tāne, ā, ko Te Ao Marama tērā kei te whare herehere o Waikeria.

He mauhere ēnei ka puta mai ki te whakatikatika i ngā kāinga o ngā wāhine nei, kua pākarukarutia e ngā mahi tūkino a te tāne, a te whānau hoki.

Anei te pūrongo motuhake a Numia Ponika-Rangi.