He tohu whiwhinga ka tuku ki ngā kaimahi whare herehere

Tema Hemi

He tohu whiwhinga kua tukuna ki te tokorua mo a rāua mahi ki Mirimiri Te Aroha Māori Focus Unit ki te whare herehere mo ngā wāhine ki Tāmaki nei. Ko tā te tokorua nei, ko te hono atu i ēnei kaimauhere ki tā rātou Māoritanga mā te mahi kapahaka kua huri katoa te waiaro a ngā kaimauhere.

I roto i ngā marama tekau mā waru i whakapau kaha a Letitia Taikato me Ariana Williams ki te awhina i ngā kaimauhere.

Ko tā Taikato kōrero, "Ko ēnei wāhine, ka uru atu au ki roto i te whare ko te āhua nei ko au kē ko te tauira. He nui ngā akoranga ka akona i a rātou, ka pupuri tonu rātou i to rātou mana rangatiratanga ahakoa te noho mauhere. E ngākaunuitia ana e au ki a rātou."

Ko tā Williams, "Ko te tino pūtake kia whakakotahi anō i ngā tikanga Māori, i ngā kaupapa Māori kia mauria mai ki tēnei tū āhuatanga pākeha nā te mea tokomaha ngā wāhine Māori kei konei."

Ko te hono atu ngā wāhine ki ta rātou whakapapa te whāinga nui.

Ko tā Taikato anō, "Kia nohotahi me ngā kaimauhere i te ahurea Māori koira ko te painga o tēnei mahi kia hono atu a tātou whānau ki to rātou whakapapa nōreira ahakoa ka mauhere ki roto ka puta ki waho rānei ka ū tonu rātou ki to rātou ahurea Māori."

Ko tā Williams he wero nui ki te whai i ngā akoranga hōu ki te whāngai atu i a te wiki. Te nuinga o te wā e tino hiakai rātou ki te ako, tērā pea ko te tino uauatanga o tēnei mahi nā to rātou tino hiakai, he tino tere ki te ako nōreira ia wiki ka whakāro māua ko Leticia he aha ngā mahi hōu kia whakaako ki a rātou."

Ko tā te kaiwhakahaere o te whare herehere nei, ka tautoko tonu rātou i tēnei hōtaka.

Ko tā te Kaitohutohu o te whare herehere a Lyn O'Connor, "E mōhio ana ahau i ngā huanga ka riro ki a rātou ā ka whakamaua ka puritia ki te whatumanawa, mā te aroha noa mo ngā mahi ka akona atu e Ariana me Leticia  ki a rātou mo ngā marama tekau mā waru he tino tāonga."

Ka haere tonu te tokorua nei me te arahi haere i ngā kaimauhere me ta rātou rautaki kia akona atu i ētahi atu wāhanga o te ao Māori ki a rātou mo te toinga o tēnei tau.