He tono tā AFFCO ki tētahi o āna kaimahi kia ūkuia tana pōhi pukamata

Ko te tino wawata a Roberta Rātū o Te Puke, he hoki ki tōna tūnga mahi i AFFCO Rangiuru, heoi e mataku ana ia nā tāna pōhi ki te mema pāremata mō tōna takiwā, ki a Te Ururoa Flavell, kia tautoko ake ia i ngā whiriwhiri uniana me tana whare mahi, ka riro pea tōna tūnga mahi.

Kua rongo a AFFCO i te wera mō tāna tātā i a Ratu, mema uniana, kaipatu mīti hoki, kia unu ia i tāna karere i runga pukamata.

Nō tāna pōhi ki a Paengawhāwhā, kua tuku reta atu a AFFCO ki a Roberta kia unu ia i tēnā kōrero āna.Roberta Ratu (Te Aupouri, Ngāti Maniapoto) 

Hei tā Te Ururoa Flavell, Mema Pāremata o Te Waiariki, "Kāre au i te rata ki pērā rawa te ahuatanga o te kamupene ki tētahi o āna kaimahi, ki a au nei kāre e tika kia pērā rawa te āhua."

Kei te karanga hoki te Rōpū Reipa ki ngā rangatira ā iwi ki te hāpai i ngā whiriwhiri kōrero i waenga i a AFFCO me te uniana.

Hei tā Peeni Henare, Mema Pāremata o Tāmaki Makaurau, "Koirā tā mātou te Rōpū Reipa e mea ana kei hea ngā tikanga o ngā kaimahi, ahakoa Māori mai, ahakoa Pākehā mai."

Mō tēnei wā ka noho tonu te pānui a Roberta i runga pukamata, ko tā ngā roia a te uniana kaipatu mīti kāre ōna hē.