Tūtaki mai ki a Patrick Salmon, he kaitakawāenga mo te rōpū auahi kore a Wero. I tēnei rangi ka huri tōna aro ki te huarahi tōrangapū.
I tūwhera ngā tatau o te Pāti Ipurangi ki a rātau te hunga rua tekau ma rua, e tono ana ki ngā tūranga e rua. Tokorua ō rātau he uri Māori, ā, ko Salmon tētahi.
Ka tono a Salmon ki te tūru matua o te Waiariki rohe.
Whānau mai a Salmon ki Te Teko. Rua tekau mā whitu tau tōna pakeke. He ringa tango parahia mō tōna hāpori i roto i ngā wāhanga hauora, mātauranga me ngā kaupapa ā-iwi.
Kua tohua te kaiārahi o te Pāti Ipurangi, a Laila Harre, kia tokorima ngā kaitono mai i tēnei hunga, hei uiuitanga i te rangi nei.
Hei tā Patrick Salmon ki a Te Kāea, "I whakaaro ake ahau mō te Waiāriki rohe nā te pānga o tōku whānau ki kora. Ehara ngā kaupapa Ipurangi he rongonui ki reira engari koinei te tino āo o nāianei."
Ko Salmon tētahi ō rātau, ā, ka tatari te uri ō Ngāti Awa rātou ko tōna whānau mō te whakautu.
Kairīpoata: Taroi Black
