He wāhanga nui to te Māori ki te ao hangarau

E matapaetia ana ka auaha te Maori i roto i nga kaupapa ohanga hangarau

Maori are touted to be game changes in the economy of technology

Hei tā Darren McGarvie “ I kite au i nga huarahi mo te Maori, ko te whakataunga i te taha o te karauna, a, e hia ke nga miriona taara i te noho noa iho ki nga peke putea na whai ano ki te hapai i te Maori ki te mahi pakihi ko te painga atu”.

Kei te tipu nga kaupapa hangarau ki Aotearoa, no te tau tekau ma ono i tipu nga pakihi hangarau ki te tekau ma tahi mano, a, neke atu i te whitu tekau ma rima mano te hunga kua whai mahi ki nga kaupapa hangarau.

“Kei te ipurangi nga ara hei whakaako i a koe, nga ahuatanga o te google, analytics, facebook coding era mahi katoa”.

Ahakoa kei nga taone nunui penei i a Tamaki Makaurau me Te Whanganui a Tara nga ara ki nga kaupapa hangarau, kei te tipu nga huarahi ki nga kaupapa hangarau huri i te motu me te ao. 

“ He reanga hou kei te puta mai, a, kei te tipu me nga kaupapa hangarau, koinei te wa mama ki te whakatu i tetahi kaupapa pakihi no reira me aro mai te Maori”.

Ko Darren McGarvie tetahi o nga mangai korero ki te taiopenga hangarau ki Rotorua, ka mutu hei tenei Rapare.