He wero tā Dover Samuels ki te Rōpū Reipa

He kaikaunihera o Te Tai Tokerau i ēnei rā, e mea ana a Dover Samuels ko te whakahau a Reipa kia kaua e tautoko i te hanganga o te rori hōu mai Pūhoi ki Te Whakapirau e rite ana ki te kapo e ārahi ana i te kapo.

Hei tā Samuels, “Ko taku pōuri nā te mea horekau ētahi o ngā kaikōrero o ēnei kaupapa i whakapā mai ki ahau.  Haere mai ki roto i Te Tai Tokerau kia kite kanohi ai te kikino o ngā huarahi ara tae noa ki Te Rerenga Wairua.”

Kei te tēpu o te kaunihera o Te Tai Tokerau ki te Raki, ko Willow Jean Prime te kaitono o Reipa mō te tūru whānui o tēnei rohe. 

Nā, ko tāna e arotahi nei ki te hāpai i tana iwi mā te whakapakari i te ohanga o te rohe.

Hei tā Willow Jean Prime, “Kia whakawhanake i to tātou rohe kia whiwhi mahi ai ngā tāngata e noho ana ki tēnei takiwa.  He maumau taima te awhina i tēnā taha ki te kore e awhina I te taha o ngā rori me ngā reriwei hoki.”

Kei raro rawakore kei runga tinihanga te kōrero mai rā anō ki tēnei rohe mō te ritekore o ngā tautoko a Kāwana i tēnei rohe ki ngā rohe kē atu. 

Hei tā Dover, ehara i te mea kua mutu tana tautoko mō Reipa engari me kakama tana rōpu kei huri ia ki te tautoko i tētahi hoiho kē atu.

Aini tātou kite ai pēna he hua kei roto i te kaupapa a Reipa hei whakawhakanake i ngā rohe.