He whakahē te mahi a ngā kaiporotū i ngā kirimana kore haora

I tutuki i a Unite Union tētahi kawenata me Burger King e mutu ai ngā kanataraka haora-kore me te whai wāhi o ōnā kaimahi ki ngā haora mahi tūturu.

Engari mō ōnā kaimahi, ko Meketānara tērā te whakatū porotū huri noa i te motu, nā runga i te korenga o Unite Union me Meketānara eke ki tētahi whakatau e ea ai ngā nawe mō ngā kanataraka haora-kore.

E mea ana a Unite Union, he tino pakanga tēnei e kawea ana e rātou.

He māngai rātou mā te koni i te whā mano, rima rau kaimahi wharekai, ā, he kotahi mano, rua rau o ēnā mema, he kaimahi ki Makitānara.

Hei tā Unite Union, mō te neke atu i te tekau mano kaimahi kahore i te noho ki ngā whakamaru o te uniana, me whai wahi rātou ki tētahi ture e kore ai e pā ki ngā raruraru mō ngā kirimana haora-kore.

Ko tā rātau anō ki te hunga tautoko i te porotū, me toro atu ki tā rātou whārangi ipurangi ki te waitohu i te reta whakahē i te karanga a Makitānara mō ngā kirimana nei.

Ka whēke tonu a Unite Union ki te whiriwhiri kōrero ki a Meketānara tae noa ki te wā ka eke ki tētahi whāinga e kore nei e whai wāhi atu ai ngā kōrero kore haora.