He wharanga te kai a ngā Chiefs

E raru tonu ana ngā Chiefs i ngā wharanga i te timata o te tau hou Super Rugby. Ko nga kaiwhītiki tokorua a Mitchell Brown me Fin Hoeata ēra ka piri atu ki te rārangi kaitākaro Chiefs kua whakatahangia mō te taunga o te tau.

Ka whakarauora i ngā wharanga waewae, pokowhiwhi anō hoki. 

Kaore i hē kātahi ka he kē rawa ma te kapa Chiefs i ngā kaitākaro e whara tonu ana. 

E matapaetia ana hei ngā marama e ono whakatahahinga ai a Hoeata me Brown.  Ka piri atu rāua ki ngā kaitākaro a Atunaisa Moli, Tim Nanai Williams, Brad Weber me Mitchell Graham. 

Inaianei he whakakīkī i ngā hū nui te aronga.  

Heoi he ao anō ma te kapa Chiefs i te hokinga mai o te kāpene a Charlie Ngatai ki te whīra whakangungu, e matapaetia ka rauora anō hei ngā wiki tata. 

Inaianei ka huri tā rātou aro ki te kapa toa o te kaitākaro Ōpango Māori o Mua a Jamie Joseph, arā ngā Sunwolves hei ēnei rangi okioki. 

Ka rere atu te kapa ki Hāpani hei te wiki nei.