Hei tā ngā tangata o Hauraki-Waikato he raru nui te utu o ngā whare i ta rātou rohe

Ko Hauraki-Waikato te rohe pōti nei e nohia nei e Nanaia Mahuta, a, ahakoa te urunga mai o te tauhou a Susan Cullen ki te whakataetae, e mea ana ngā tatauranga pōti a Whakaata Māori kei mua noa atu a Mahuta.

Nā, ki te pae o Kōwhiringa Pōti kitea ai pena rānei i āhei te whakarereke i ēnā tatau.

I puta te nawe i Pukekohe, he pākainga i te rohe o Hauraki-Waikato, i te au o te pōuri kē rātou e noho ana.

A, ko tētahi kaupapa matua mō rātou ko te nui o te utu o ngā whare.

Ko tā Reipa, ki te uru mai tōnā kaupapa here Capital Gains Tax, ko te moni o waenganui, i te utu i hokona ai te whare, me te utu i hokona atu taua whare,ka noho hei kai mā te ahi tāke.

Engari ka whai pānga anahe tēnei kaupapa here ki ngā whare whakatupu rawa, kaua ki ngā kāinga whānau.

Ahakoa te hiahia a te rohe-pōti kia mahi tahi Te Pāti Māori me Reipa,tē āro i a Nanaia.

Hei te Rāhina e tū mai nei, ka tū te tautohetohe whakamutunga a Kōwhiri Tekau Mā Whā

Ki reira kitea ai ngā pū o te nōta e whakataetae ana mō te rohe Pōti o Te Taitokerau.