Hei tā te Rōpū Kākāriki me takohatia ngā toenga kai ki te hunga rawa kore

Kei te whakaaro ake te Rōpū Kākāriki kia whakaturehia, mēnā rānei kia kaua ngā toa hokomaha e maumau kai, engari me tuku kē aua toenga kai ki te hunga kainga kore, kore mahi me ngā tauira hoki.

I hua ake taua whakaaro i muri i te ture hou kua whakamana tuatahitia ki Wiwi, kia kaua ngā toa hokomaha o taua whenua e maumau i ā rātou toenga kai.

E ai ki ngā rīpoata kei te taikaha tētahi ture i Wiwi kia tākoha ngā toa hokomaha i ō rātou toenga kai ki ngā rōpū aroha, pēke kai hoki.

I raro i te ture hou e kaha tautokohia ana e te Kāhui hanga ture o Wiwi, e kore e tāea e ngā toa nui te maumau kai e ora tonu ana pātata atu ki tōna rā matenga.

Otirā kei te rangirua ngā whakaaro o te māngai mō Auckland Action Against Poverty a Sue Bradford ki te whakatokatia he ture pērā ki Aotearoa nei.

Nā te whakamatāra o ngā ringa raupa kaihoko toa, hunga whakakore i te rawakore me te hunga kaua e maumau kai i Wiwi te ture i tīmata.

Otirā ka āhei ngā rōpū aroha ki te tohatoha i ngā kai maha ia tau ki te hunga rawa kore.