Hei tā tētahi rangatira ā-iwi kore rawa te Karauna e tutuki i a rātou wawata

Whai muri i tētahi Hui Rangatira ā-Iwi i Kerikeri i tēnei wiki e pā ana ki te mana whakahaere o te wai Māori i waenga i ngā iwi me ngā hapū, kua puta tētahi.

Hei tā Ngahiwi Tumoana, “Kāore au e whakapono ana ki te Karauna ki te mahi i te mahi tika.  I runga i to ratou ake kore.  Engari ko te tūmanako ka tutuki.”

I mea atu a John Key i Waitangi e piri tonu ana te Kāwanatanga ki a rātou whakaaro kāore tētahi me te mana whakahaere o te wai.  Engari ko tāna he hononga te Māori ki te wai, ā, me whakamārama he aha aua hononga.

Hei tā Tumoana, “Ko rātou te Karauna me ngā kaunihera ā-rohe whānui, i whakaarohia rātou kei a rātou te wai, tō mātou whakaaro e kao, ki a mātou anō hoki ngā whanau, me ngā hapū me ngā iwi.”

“I roto i a Kahungunu ngā whānau me ngā hapū ka whawhai mātou mō ngā whānau me ngā hapū me ngā kerēme i runga i te wai kia tuku ai ngā tikanga.”

E kore ngā whakaaro o Tumoana e pā ana ki te wai Māori e mutu noa ki te taha ahurea me te taiao noa, engari ka toro ki te taha whakawhanake ōhanga hoki.

E tūmanako ana te Kāwanatanga me ngā Rangatira ā-Iwi ka tutuki ēnei take wai a tērā tau.