Horekau nga kaiako e tautoko ana i te kaupapa e kīa ana ko IES

Me whakangao kia angitu i roto i te mātauranga.  He kaupapa matua tēnei na te kāwanatanga engari neke atu i te iwa tekau paihēneti o ngā tumuaki me ngā kaiako o te motu horekau kē e tautoko ana.  No te rā nei i kawea e rātou tēnei take ki ngā tari o ngā mema pāremata puta noa.

Kī ana te tiriti i waho i te tari o Kelvin Davis e ngā kaiako e mea ana e kore e ora ngā ritekoretanga i roto te rāngai mātauranga ma te whakapiki i nga utu a ētahi.

E kī ana a Paora Mepham, “Kei te tino nui te mōhiotanga o ngā kaiako he aha te take kei muri I te whakakahore te kōrero a te kāwanatanga kia mātou. Te mea nui ko te aroha mo ngā tamariki katoa kahore te utu.”

I raro i te kaupapa e kīa ana ko IES e toru rau rima tekau mā iwa miriona tāra ka whakapaua e te kāwanatanga hei whakapiki i ngā utu o ētahi tumuaki me ētahi kaiako.

I raro i te kaupapa here a te rōpu Reipa ka whakakorengia ngā "Paerewa Matauranga ā-motu" me te tautoko pau te kaha i ngā aue a nga kaiako o te motu, i te maha o nga ritekoretanga i te wahanga mātauranga hei tautoko ki te putea i te whakapiki noa i ngā utu a ētahi o rātou. 

Hei tā Kelvin Davis o te rōpu Reipa, “Te kaupapa nui kia whakakorengia te kaupapa o tēnei kāwanatanga e mōhiotia ana ko te IES, ā, whakakorengia tēna me tahurihia aua pūtea mo ētahi kaiako anō ki roto i ngā karāhe.”

Hei tā ngā kaiako he take nui tēnei i te mea kaore i rapua a rātou whakaaro.