I ako tētahi tokorua he aha te tino painga o te mau kahu kautere

“Ka ora koe mā te kahu kautere.” Koinei te kōrero matua a ētahi tokorua i whakamahi i o rāua kahu kautere me te pouaka tio hei poitō whakarewa, ā, ū ai ki uta, whai muri i te totohu o to rāua waka moana i Papamoa inapō. 

Waimaria ana ētahi tokorua a Jason York me tana hoa a Lyndon Enright, i te pō rā rua kiromita te tawhiti o tā rāua kauhoe ki tātahi.

E ai ki a Enright, “Ka hiki te matau, ka tahuri māua ki tātahi, rua tekau, toru tekau hēkona. Ka puta mai ngā ngaru nui, ka koi te heke, ka takahuri mā te iwa tekau tohurau.”

Whai muri i tērā ka taka iho ngā tokorua nei ki roto i te moana, nā te pouaka tio i pōteretere ana.

Hei tā York, “I kī atu au ki a Lyndon toru tekau miniti mai te timatahanga o te kauhoe, toru haora, Lyndon ka tatū anō tēnei mahi, ka mea mai, kāre ōku māharahara e hoa.”

I whakatere ngā tokorua nei i to rāua waka i konei, ka haere mō te kotahi kiromita mai tātahi.  Ahakoa ngā mahi ko te kōrero matua i hoki ora mai rāua me ngā hua.

Engari ko te kōrero nui, ka ora koe i te kahu kautere. 

Ki tā York, “He tama koe, he tamāhine rānei koe. Ko te whānau te tuatahitanga, me whakaro koe he aha o waihotanga mai i te wā ka wehe koe.”

I te wā ka hoki mai ngā tokorua nei ki tātahi ēhara i te mea me tiro rāua ki ngā āhua o te hauora, engari ko tā rāua ko te akoranga nui me rite koe i mua i tō haerehanga ki te moana.