I hikina te mānuka e ngā tore kaihuruhuru ā i whai wikitōria rātou i te Festival of Hokey

Nā te ngarohanga o te nuinga o ngā kaitākaro tuakana o te tira haupoi Māori o Aotearoa i te Festival of Hockey, kua hikina te mānuka e ngā tore kaihuruhuru, i whai wikitoria rātou i te tukinga whakatūwhera, he toru ki te rua ngā tatau whakamutunga.

Koinei te tira taiohi rawa o ngā tira haupoi Māori kua kōwhirihia e Aotearoa mō tēnei tonamana.

Nā te kore wātea o ngā kaitākaro pakeke i tēnei tau, ka hao ko ngā rangatahi o te tira teina.  Te nuinga o rātou he mātātahi, he tekau mā rima tau noa te pakeke o te pōtiki.

I muramura mai ngā pūkenga ārai o Harley Kopa, te kaitākaro matua o te tira, he toru tekau mā tahi ngā tau.

Na ngā pūmanawa o te reanga pakeke me ngā tore kaihuruhuru i eke panuku rātou ki te kapa National Senior XI.

Ka tākaro anō rātou ki ngā tira e rima nō konei nō tāwahi anō hoki, otirā, āpōpō ka pakanga rātou ki te tira Aotearoa ki Īnia, te kapa i whakahinga e rātou i tērā tau.