I huri te tuara o tētahi tāne ki ngā mahi kēnge kia tū kē hei kaiwhawhai

updated

E toru noa ngā tau ki muri i huri tuarua a Pumipi "Ceazer" Ngaronoa i te keenge Mangu Kaha kia whaiwhai i tōna āwhero nui kia tū ai hei kaiwhawhai whai utu.

I tēnei wā koia kē te toa o Aotearoa kei aia te taitara WMC lightweight o Aotearoa.

I kōrero a Te Kāea ki aia ki mua i tōna tukinga ki Sone Arch Angel Vannathy i King of the Ring.

E whakarite ana a Pumipi "Ceazer" Ngaronoa mō te tauwhainga whawhai nui rawa ki Aotearoa nei, engari, ko K1 ngā ture, otira, tē tāea te patu mā ngā whatianga.

Anei te tangata e kōrerohia ana, ko Sone Arch Angel Vannathy, he whitu tekau āna tukinga, otirā, he toa Muay Thai o te ao anō hoki.

I tērā tau i Ngāmotu, ka tūpono i tōna taitara WMC o Aotearoa i tēnei whawhai, a, i turakina aia e Ngaronoa.

Tata ana ki ngā toru tau ki muri, i taka ia ki te hē hei mema o te keenge Mangu Kaha. I tēnei wā he rua tekau mā whitū ōna tau.

E kore a muri e hokia ki ngā keenge, i ēnei rā kei te aro pū ia ki te whakapakari i ōna pūkenga whawhai otira ki te whawhai e tū mai nei hei tēnei Pōhoroi.