I mahi tahi a Ngāti Toa me Te Kura Matatini Whitireia kia whakarewaina i tētahi pūmanawa tautoro

He mea whiriwhiri e te iwi o Ngāti Toa me Te Kura Matatini Whitireia tētahi pūmanawa tautoro e whakawhānake ai te reo Māori mō ngā tamariki o Ngāti Toa Puna Reo, ā, ahakoa i oroko mai ai te puna reo i te timatatanga o te tau, ko te pūmanawa tautoro reo tēnā e whai wāhi ana ki te rautaki whakaora i te reo Māori o Ngāti Toa Iwi.

I runga i ngā awhero o te iwi, kua whai wāhi Te Puna Reo o Ngāti Toa ki tētahi tino taonga o te hangarau hei taonga whakapūmau i te reo Māori.

Hei tā Willis Katene, “I ngā marama tata nei i pātai mai ētahi o ngā kaimahi ki Te Kura Matatini o Whitireia mō ētahi o ngā mahi o ngā tauira i te tau tuatoru kia mahi i tētahi mea, ana i whakaaro mātou o Ngāti Toa ka pai tēnei haramai te ao hangarau ki tō mātou puna reo āwhina mātou ki te whāngai atu i te reo Māori ki ā tātou tamariki mokopuna'

I hangā te pūmanawa tautoro reo Māori nei e ētahi tauira tokotoru, ā, hei mea whakamahi mā runga wāea pūkoro, īpapa hoki me te mea nei ka whakaako i ngā ingoa Māori, i ngā tai, i ngā nama hoki mō te tauhou.

E ai ki a Taku Parae, “Hei tutuki i te katoa o roto i te iwi nei kia haere mai ki te akona i te reo hei whakatimatanga tēnei kaupapa ki roto ki a mātou tamariki mokopuna nē, ko tēnei te kaupapa o te rā.”

Kua roa nei Te Kura Matatini o Whitireia me Ngāti Toa e mahi ngātahi ana, ā, mō tēnei o ngā kaupapa ka puawai mārika mai ai ngā hua o tēnei kaupapa o te reo Māori.