I pūhia te tangata rima tekau tau nga tau ki Paeroa e te hunga pirihimana

I pūhia te tangata rima tekau tau nga tau i runga i tenei huarahi matua I waenga i Paeroa me Ngatea e te hunga pirihimana. I te mau pu ia, ā rere atu, rere mai ana nga kariri a nga taha e rua.

I timata te raruraru I waenga I a ia me tona hoa rangatira inapo, ka pakaru katoa te matapihi o ta raua tatau.

Hei ta tetahi o nga tangata e noho ana ki tenei tiriti, ehara tenei i te wa tuatahi kua pupu ake te riri kaha I waenga I te tangata mau pu raua ko tona hoa rangatira.

E mea ana etahi o nga whanau o tenei tiriti he pakeha te tane, ko tona hoa rangatira he Maori. Inaianei kua tomo atu he roopu kairangahau ki ta raua whare ki te tirotiro I pehea te kaha o ta raua whawhai inapo.

Tua atu i nga raruraru inapo, kei te whakapono tonu nga whanau o Kerepehi, e mau tonu ana te haumaru ki konei.

Kei te hohipera o Waikato te kaiwhakatuma, a, ka korero hoki nga pirihimana ki tona hoa rangatira.