I tino rangona ngā korero mō te keri hinu i te pōhiri a John Key

Waitangi Pōhiri for PM

I kaha te tautoko ki ngā hapū o Te Taitokerau i hīkoi ngātahi mai i Te Reinga tae noa ki Waitangi ki te whakahē i ngā mahi keri hinu, ā, i tino rangona e John Key ngā whakaaro o te iwi i hua ake i te pōhiri i tū i te rangi nei.

I tū ngā tāngata nō ngā hapū huhua ki ngā tahataha o John Key me ā rātau tohu porotēhi e whakatairanga ana i tā rātau whakahē ki tēnei kaupapa nui, arā te keri hinu ki tō rātau takiwā.

Nā te kaha o te hunga pirihimana ki te ārai atu i te tini i te taenga mai o John Key ki te marae o Te Tī, i tau te noho a te nuinga.  Ahakoa tēnei, i rere tonu ngā aureretanga ki te Pirimia i te wā o te karanga.  

I ārahihia te ope a te Pirimia ki te whare o Te Tii, ki reira wānangahia ai ngā āwangawanga ō te hunga kaumātua o reira.

A te ahiahi nei whakawhārikihia ai e Key rāua ko te Minita Whakataunga Tiriti a Chris Finlayson ō rātau korero ki te hui kaiarataki iwi.