I toro atu te kaipao nō Amerika, a Lil Jon ki a Savage

Kei te whakapuare mai a Savage, he kaipao rongonui i te ao, i āna hiahia ki te whakapiki i te ora, te tiaki i āna tamariki me te tito waiata mō te kaipao Hip Hop nō Amerika mō Lil Jon.

Koia tētahi o ngā ingoa rongonui i te ao Hip Hop o Aotearoa, a, i toro atu te kaipao nō Amerika Lil Jon ki aia.

Ae mārika ko ia tonu. Nā te whakarerekē a Savage i āna taera puoro kia mau ai ko te puoro Trap, i pērā anō a Lil Jon.

I eke panuku a Savage i te rārangi Waiata i Amerika nā tana waiata "Swing" i kitea i te kiriata Knocked Up.

I eke panuku atu tana waiata Timmy Trumpet "Freaks" i Ahitereiria. Ki tāna, ahakoa te angitū o āna waiata, ko te whānau te mea matua ki aia, nā whai anō tana hiahia ki te whakapiki i tana ora.

Ki tēnei pāpā me āna tamariki tokotoru, he tau nui kei mua i te aroaro engari kei Aotearoa tonu te ngakau.