I whakahōnoretia te whānau Mahoney i Ruatoki

Mō ngā tau maha nei, kua tā ki te pakitara o tētahi o ngā whare kai ki Ruatoki te kōrero mō te whānau Mahoney, engari he kōrero anō kei reira e kukume ana i ngā uri o ngā hoia e whā o te whānau pākeha nei, e noho tahi nei me ngā hoia pakanga o Ngāi Tūhoe.

He tuatahitanga tēnei mō James Mahoney ki te hara mai ki Ruatoki me te kite i tēnei papa maumahara e whakaatu ana i te īngoa o tōna whānau.

He mokopuna tuarua a James Mahoney ki a Cornelius Mahoney he kura mahita nō Ruatoki. 

I whawhai ana tama ki roto i te pakanga o te ao i te tau kotahi mano, iwa rau, tekau ma rima.  Engari ko tōna koroua ake a Ernest Andrew i hoki mai ki Ruatoki whai muri i te pakanga.

Tokowhitu ngā mema o te whānau Mahoney i tae mai ki ngā whakamahara ki Ruatoki ki te wāhi e iri ana ngā ingoa o a rātou koroua i te taha o rātou o Ngāi Tūhoe i whawhai ki roto i te pakanga tuatahi o te ao.

Ki tā John McCorkindale, “Whitu tekau ngā hoia o Tūhoe i haere ki te pakanga tuatahi, e toru o Tūhoe i haere ki Karipori.”

Mō te hapori o Ruatoki i rangatira ai te rā nā te taenga mai o te mōrehu whakamutunga o Tūhoe a Haare Te Nuku Ratana o te ope taua rua tekau mā waru, kamupene B i noho ki te taha tonu o te mokopuna tuarua o Cornelius Mahoney ko ana tama ka noho ki te pae o tēnei whare kai.