I whakanuia te rua tekau tau o te whakataunga o te kerēme raupatu o Waikato-Tainui

I tae atu te tini ki Tūrangawaewae Marae i Ngaruawāhia ki te whakanui i te rua tekau tau o te whakataunga o te kerēme raupatu o Waikato-Tainui. 

Ko ngā rangatira ā-iwi tērā me ngā mana kāwanatanga o te wā i whiriwhirihia ai te whakatau i tae ake ki te hui. 

He pikinga mō te iwi, he hokinga mā ngā mahara, he hekenga o te roimata,

Rua tekau tau nō te hainatanga o te whakatau mō ngā whenua raupatu.

I whakaeke mai te Minita Take Māori, me te Minita o Ngā kereme o Waitangi a Tā Douglas Graham, ā kua hoki mai a Jim Bolger te Pirimia o taua wā.

He ngeri i titoa hei whakanui i te kaupapa.

Ko te whakaari i muri i ahau, e whakanui ana i ngā pakanga o Aoteroa, otirā i whakaputaina hoki he pine, he pukapuka whakamaumahara anō hoki.