Irwin-Ahlers taking aim at the World

James Perry

Hei ngā rangi whakatā nei ka tae mai ngā kaiwhiu kōpere o te Ao ki Tāmaki Makaurau mō te whakataetae Auckland Darts Marsters. Kua whai wāhi atu a Tahuna Irwin-Ahlers nō Tūranganui a Kiwa ki te pakanga ki ā rātou. 

E whetē mai ana a Irwin-Ahlers ki ngā toki whiu kōpere o te ao ka hau mai ki Aotearoa hei ngā rangi nei. Hei tāna, e hikaka ana ia, mō te wero nui e kainamu mai ana.

E toru tau noa te roa ia e whiu kōpere ana, heoi ko ia te toa whakaihuwaka rangatahi o Aotearoa, ka mutu kua whakakanohi kē i a Aotearoa ki Hapāni, ki Dubbo i Ahitereiria anō hoki. Me ko tōna tipuna, me ko Mahaki tōna tirohanga ki ōna wheakoranga. Hei tāna, he pai.

I riro tūranga ia ki Tāmaki Makaurau nō tōna wikitōria i Murihiku i ngā wiki tata nei. Ka mutu kua whai wāhi anō ia ki te whakataetae kaitā o te ao, arā ki te World Darts Championships ki Rānana hei te Hakihea. Ko te kaupare i te makariri kē tērā kei te kūrae o whakaaro. He māmā noa tōna mahere, arā kia nui ōna kākahu mahana.

He whānau whiu kōpere tō Irwin-Ahlers. He mea whakakapi noa mō tōna koroua, mō Tom tōna kuhunga atu ki te whiu kōpere. Hei tāna, nō tērā kuhunga atu i ngākau nui atu ia ki te hākinakina nei.

I timata hei whakakapi mō tōna koroua, nāwai, nāwai e piki tonu nei ki ngā rangi tūhāhā.