Ka āwhina tētahi whakaaturanga mahi i Rotorua i ngā rangatahi ki te rapu huarahi mā rātou

E ai ki te Manatū whakahiato taiohi mo te hunga rangatahi Māori kei waenga i te tekau mā rima ki te rua tekau mā wha te pakeke ka tino rongo i te kore mahi ki ērā atu o ngā iwi taketake ki Aotearoa, engari kei te kaha te rohe o Te Waiariki ki te hiki ake i o tātau rangatahi kia eke rātou ki runga.

Kei ngā matimati o ēnei rangatahi te ao e torona ana, heoi ahakoa te kōrero kei reira ngā uauatanga.

Hei tā Te Amorewa Duff, “Kāre e nunui ngā mea mō tātau ngā rangatahi kei waho rā o tēnei ao, nā reira kua tae mai nei ahau kia kite ai ngā huarahi.”

Neke atu i te kotahi mano ngā rangatahi ka kuhu i ngā tatau o te whakaaturanga mahi nei i Rotorua.

E ai ki a Tipene James, “Te take nei me aro tātau ki ēnei mahi, ā, hei poipoi i o tātau whakaaro, hei puāwai i o tātau whakaaro otirā kia whai mātauranga ki roto i tēneki ao.”

E ai ki a Selwyn Insley ko te hua o ngā huihuinga nei, kei ngā rangatahi tonu te tikanga.

Kei te whare tapere o Rotorua tēnei huinga whakatairanga mahi e tū ana, ā hei āpōpō ka mutu.