Ka haruru te taunga waka rererangi o Kaitaia i te porotēhi

Ka haruru te taunga waka rererangi o Kaitaia i te porotēhi hei whakahē i tē whakataunga kerēme Tiriti, he kotahi rau miriona tāra te nui, ka whakamanahia ki Pāremata āpōpō.

He tata ki te kotahi rau ngā kaiporotū i tae atu me tā rātou tono kia hui ngātahi ki te Minita Take Tiriti, ki a Chris Finlayson.

E whitu tekau tau kua pahure mai i taua wā kahore anō te whenua kia whakahokia mai.

Āpōpō ko te pānuitanga tuatoru o te pire whakataunga kereme o ngā iwi o Te Hiku o te Ika ki Pāremata.  Ina mana ai ka tukuna kē tēnei whenua mā Ngāi Takoto.

E ai ki a Timoti Flavell, “Kia rongo mai ai te Karauna i tō rātou hē mō te tangohanga o tēnei whenua tuku iho o o mātou tūpuna.”

E mea  ana te iwi, he mahi tinihanga tēnei a te Minita Take Tiriti Chris Finlayson ia Ngāti Kahu nā te mea kahore anō o rātou take tiriti kia tatū noa engari kei te totohe tonu me te Karauna i te kōti teitei.

Mō tēnei wā, kua rakaina te kēti ki te taunga rererangi o Kaitaia me te kī a ngā kaiārahi o tēnei nohoanga porotu, i riro whenua atu me hoki whenua mai.