Ka hautū a Waikato-Tainui i tana rā hākinakina tuawhitu

Rahia Timutimu

Ia rua tau ka whakahaerehia te rā hākinakina o Waikato-Tainui, kei tōna tau tuawhitu mai i tana orokohanganga mai i te tau rua mano, he kaupapa hei whakakotahi i te iwi.

Ko te waka ama, te pīrori maitai me te tēnehi ētahi o ngā hākinakina i kitea ki ngā hākinakina o Waikato-Tainui i te rā nei

Ko te hākina ki-o-rahi te hākina hōu o te whakataetae nei i uru tuatahi i ngā whakataetae Waikato-Tainui kua hori, nā whai anō, kua tokomaha ake ngā kaiuru i te whakataetae i tēnei tau.

Rua tekau mā rima ngā marae i whakataetae ki te tauwhāinga nei, he pikinga anō i ērā o ngā hākina Waikato-Tainui kua taha.

He ture i whakatakotoria kia tae ngā tamariki, ngā kaumātua hoki ki te papa, ko te tikanga, kia uru ngā reanga e rua i runga i te pātiki.

Ā, nā te kitenga o ngā kapa i te rā nei, i whakaaturia ai te take he toa te rohe o Waikato ki te whakaputa i ngā kaitākaro toa mo te hākina ki-o-rahi.