Ka hiki te kohu mō ngā mōhiti o Ardie Savea

Jamie Wall

Ko Matt Todd rāua ko Ardie Savea

Ko te tikanga, he whakaritenga hōu hei tiaki i ngā whatu o Ardie Savea, engari auare ake.

Ko ngā mōhiti i mau i te poutaha tukituki nei i roto i ngā miniti ruarua noa iho o te tākaro ki a Kānata i tērā wiki, i waihotia ki rahaki i te tākaro ki a Namibia i te Pōtapu. 

E ū ana a Savea ki te whakamātau tonu i ngā mōhiti, heoi, nā te huarere ki Hapani i tēnei wā, ka kohukohu.

"Like anything you try that's new, it takes a bit of time," tāna kōrero ki te hunga pāpāho i te mōtērā o te kapa i Maihama i te rā nei. 

"It is probably the worst time to try them because of the conditions here. I am just trying to get used to them. But I will continue on, giving them a crack and trying to find ways that I can wear them."

Ka kore pea e māmā ake te takawai mā ngā Ōpango, nā reira hei te Super Rugby ā tērā tau rā anō pea kitea anō ai ngā mōhiti ki te kanohi o Savea.

"We will just keep trying them. If they are not working on game day I will park it up. If they are, sweet."

Ko te huarere hoki ka tohutohu pea, ko wai ka hua hei hoariri mā ngā Ōpango i ngā whiringa whānui hei te mutunga wiki nei. Ko Huripari Hagibis e matapaetia ana ka tuki atu ki te rohe o Kyushu, i te uru o Hapani hei te paunga o tēnei wiki. Ko Airangi ka tuki ki a Hāmoa i Fukuoka, he taone matua i te rohe o Kyushu.

Ki te whakakorehia te tākaro nā te huripari te take, i raro i ngā ture o te tōnamana, ka 0-0 te otinga. Ki te pērā, ko Hapani ka tau te noho ki ngā tūranga e rua ō runga i te wāhanga A, ā ka ahu tika atu ki te wāhanga turaki. Heoi, ki te toa i a Kotirangi ā rātou tākaro e rua e whai ake nei me te piro tāpiri, ā ka whakakorea te tākaro a Airangi, ko ngā Kotimana ka ahu atu me te matapae ia, ka tūtaki ki ngā Ōpango i ngā whiringa whānui. 

Ki a Itāria te tākaro whiringa ā rōpū a ngā Ōpango i te taone o Toyota hei te Pōhoroi.