Ka hui tahi a Serco me te minita

Heta Gardiner

Kei te hui tahi te Minita Ara Poutama a Sam Lotu-Iiga ki te taha o ngā tumuaki o Serco i te rā nei, ā, kāore e kore ka kōrerotia, ngā āwangawanga o te patu tangata, me te inu waipiro, ki roto i te whare herehere o Mautini.

I raru te minita, i te ara ake o ētahi kiriata ki runga i a YouTube, e whakaatu ana, i ngā whawhai ki rō ruma here.

I muri mai i tana kakaritanga ki ngā ringaringa o te hunga pāpāho, me te Kaikōrero Ara Poutama o Reipa a Kelvin Davis, i tono arotake te minita, mō ngā mahi a Serco.

Inanahi, nā ngā mema o Nāhinara i haukoti i te tono ki te Kōmiti Whiriwhiri take ture, kia whai wāhi te tumu whakarae o Serco, ki mua i tō rātau aroaro.