Ka ingoahia te kapa Ōpango - he poutaha kūiti hōu

Jamie Wall

Ko te kapa Ōpango ka pīkau i ngā tūmanako nui o te motu i te tākaro whakamātautau uaua rawa o te tau kua whakaingoahia. 

Ko te panonitanga nui mō te tākaro whiringa whāiti o te Ipu o te Ao ki a Ingarangi, kei te tūranga poutaha kāpō, ko Scott Barrett ka whakakī i te tūranga o Sam Cane. He whakaritenga hei whakapōrearea i te āpititū o Ingarangi, koia tā Barret i mahi i te tūtakitanga whakamutunga a ngā taha e rua nei, ki Twickenham, i te Noema. Nā te tāroaroa ake o Barrett i raru ai te waetīkape o Ingarangi, a Jamie George, nāwai i toa ai ngā Ōpango, 16-15.

Nā reira, ka noho atu ai a Patrick Tuipulotu ki te pae hei tāpui i te tūranga pouwhītiki, ko Sam Cane kei rahaki. Ko Ardie Savea ka tīmata ki te poutaha takiraha. Tua atu i ēnā, kaare he rerekētanga atu i te kapa i turaki i a Airangi, e 46-14 i te whare hākinakina o Tōkyō i te mutunga wiki kua hipa.

He rā nui mō te waitīkape Māori, mō Codie Taylor ka tākaro i tana tukinga e rima tekau. Ko te wā whakamutunga i tūtaki ai ngā kapa e rua nei i ngā whiringa whāiti o te whakataetae Ipu o te Ao, ko te tau 1995, he tākaro i whā piro ai a Jonah Lomu, ā i tino eke ai ngā Ōpango.

Ko Wērā ka tūtaki atu ki ngā Springboks i te tākaro whiringa whāiti tuarua hei te Pōtapu.

Ko te kapa:

1. Joe Moody

2. Codie Taylor

3. Nepo Laulala

4. Brodie Retallick

5. Samuel Whitelock

6. Scott Barrett

7. Ardie Savea

8. Kieran Read (k)

9. Aaron Smith

10. Richie Mo'unga

11. George Bridge

12. Anton Lienert-Brown

13. Jack Goodhue

14. Sevu Reece

15. Beauden Barrett

Pae Tāpui:

16. Dane Coles

17. Ofa Tuungafasi

18. Angus Ta'avao

19. Patrick Tuipulotu

20. Sam Cane

21. TJ Perenara

22. Sonny Bill Williams

23. Jordie Barrett

Ka whana atu hei te 11:15 i te pō NZT i te Yokohama International Stadium.