Ka nehua te Ōpango ō-mua, a Norman Berryman, ki Te Urupū

Piripi Taylor
Norman Berryman - Photo / file

Ko te kaiako ō-mua o te kapa Ōpango Māori o Aotearoa, ko Donny Stevenson ka whakakanohi i te Uniana Whutupaoro o Te Tai Tokerau i te tangihanga mō Norman Berryman ka tū ki Ahitereiria. 

Koia tā Jeremy Parkinson, Tāhuhu Rangapū o te Uniana whai muri i te whakatau a te whānau pani, tērā ka tangihia, ka nehua hoki te Opango ō-mua nei ki Te Urupū, kia tata tonu ki tōna whānau i reira e noho ana.

Ki te whārangi whakamahara i a Norm Berryman kua hangaia ki runga o Pukamata, rere atu ai ngā mihi a te whānau ki ngā tāngata katoa kua tuku mihi, kupu aroha hoki.

Ko te whakatau hoki mō te okiokinga atu o Berryman ki Te Urupū i tītohua ki taua whārangi i tēnei ata, heoi, i tēnei wā kāre anō kia tau ngā whakahaere mō te tangihanga.

Hei tā Parkinson, i whakaako a Stevenson i a Berryman i roto o Te Tai Tokerau, ā kei Te Urupū hoki ia e noho ana.

Kāre anō kia tau i te Uniana o Waitaha, ko wai ō rātou ka haere ki te poroporoāki i te tipua whutupaoro nei o Ngāpuhi.