Ka poroporoāki te tini mano i tētahi kaitito waiata Māori rongonui - Tama Huata

Kua poroporoaki tētahi toki nō Te Tairāwhiti i te rā nei.  I mate a Tama Huata i te Rāapa kua taha i waenga.

Ko tōna āwhero nui, kia piki tonu te kounga o te mahi a Rēhia.  I aua rā,  i whakaaro rātou he mahi whakawhana te whai i ngā nekehanga hōu i te atamira, he mahi rerekē kāore anō kia kitea, kia mahia.

Mā te hangarau o nāianei, e tāea ai te pāpāhō te tangihanga nei kia kitea e te hunga tē taea te haramai.

E hia manomano ngā tāngata i poroporoāki i tēnei tipua kaitito waiata Māori, he tangata i kaingākaunui ki te whakatairanga i te ahurea Māori ki te ao.

Ki te tihi o te urupā nei o Whenuakura i Pakipaki, tōna tīnana okioki ai.  Engari, ka ora tonu ko tōna wairua roto mai i tōna hoa rangatira, me a rāua tamariki tokotoru, otirā ngā taiohi Māori i hāpaitia e ia.