Ka tohea te kapinga o te whare whakawhānau kotahi i Ōpōtiki

E tūtohe ana ngā kainoho o Ōpōtiki i te katinga o te whare whakawhānau pēpē kotahi i te taone mō ngā marama e whā. Hei tā Te Poari Hauora ā Rohe o Toi Moana, e pēnei ana nā te tokoiti o ngā tapuhi. Ā, e 45 miniti te tawhiti o te haere mā runga waka ki te whare whakawhānau tata rawa i Whakatāne.

E tū ana ngā pihi o Lisa Kelly, he tapuhi nō ngā tau maha.

"The community is not happy at all, it's not safe for our hapū māmā who have to travel in from the coast or any hapū māmā from here, who may have quick births."

Kei te tū hoki ngā pihi o te hau kāinga.

"Takiwā o te rua haora atu i Whangaparaoa ki kōnei ki Ōpōtiki. Tāpiri atu te kotahi haora ki Whakatāne, he roa rawa tērā, ka whānau mai ngā tamariki ki roto motokā " te kōrero a te uri o Te Whakatōhea, a Anameka Pirini.

I whakakapia te whare whakawhānau i Ōpōtiki inanahi, ā ka whakapuarehia anō hei te Poutūterangi ā tērā tau. 

Hei tā Kelly, te kaikoke i te porotēhi i tēnei rā, kua mahue rātou ki rahaki. 

"We've had nothing from the DHB. We've had no actual formal notification after hours here in terms of māmā turning up to birth. If you go over there now, like in the middle of the night, there's no numbers to call for any midwives if birth was imminent."

Tokotoru ngā tamariki a Awhina Kurei, kua hapū anō. Kua mate katoa ia ki te whakarerekē i āna whakaritenga mō te whānautanga mai o tāna pēpi tuawhā. 

"Kaare noa ihō mātou kua rongo mai ki Whakatāne, mehemea tuatahi he wāhi mōkū. Ki ōku nei whakaaro, ko te mea ka mahia ahau i tēnei wā, kia haere au ki tōku whare noihō, he tino hōhā au mō tēnā."

He mema kaunihera o Te Whānau-a-Apanui a Louis Tapihana. Kei te rangirua ōna whakaaro mō te whai hua o te mahere a te Poari Hauora.

"Ko ngā āwangawanga, ko ngā māmā, ko ngā kaumātua, ko ngā rangatahi e māuiui ana kaare he hauora mō rātou. Ko te kī a te Pōari Hauora, mā Hātō Hone e tiaki i te hāpori. Kei hea rā te utu o Hātō Hone ki te whakakīkī i ō rātou waka tūroro."

E ai ki a Kelly, "We will continue to fight, there is a petition online through change.org to save the birthing unit and the closures close to 4000 signatures already we plan to present that at Parliament.”