Ka whai hua a NZRL i te tukinga i Amerika

Nō te rangi nei whakapāhotia ai e Rīki Aotearoa ka tākaro tuatahi ai te kapa Kiwi ki te kapa Ingarangi, ki Amerika hei te marama o Pipiri. E ai ki te kaiwhakataki rīki, ki a Te Arahi Maipi, he wikitoriatanga tēnei mō te kēmu.

Kāhore anō a Denver Colorado kia kite i tētahi kēmu rīki. Engari, kai te matapaetia ka kī tēnei papatākaro i te hunga taunaki, Kiwi mai, Ingarangi mai anō hoki.

He tā Maipi, “Atu i a Aotearoa me Ingarangi, kia rongonui ai, kia raweke ai, kia whakapā ai tō tātou kēmu ki tētahi hunga apataki nunui>

Kua kite mātou i ngā hua o te Kapa Opango e tākaro ana ki Chicago, te kapa Māori e tākaro hoki ana ki Amerika.

Tē taea e te heamana o NZRL, e Reon Edwards te kōrero. Engari i tuku kē mai i tētahi pānui. E ai ki a Edwards, he whāinga kia kite ai a Amerika i tēnei kēmu. He kirimana i waengaui i a NZRL, rātou ko RFL, ko RLIF. E toru ngā tau te roa.

Ka matapaetia kāore a Aotearoa e tūtaki ai ki a Tonga,

“E tākaro ana rātou ki “Ahitereiria, nui kē atu I tēna. Ko Ahitereiria ngā toa, ko Ahitereira ngā mananui o te kēmu.”

“Me pono ngā kōrero, ko Aotearoa te tuarua, te tuatoru inaeanei. Nō reira, mēnā ka whirihwhiri ko wai to hoariri - ko Aotearoa, ko Ahitereiria rānei? Ko ngā hua ka puta ai i a Ahitereiria. “

Ka mahi ngātahi a NZRL, a NRL, a Super League anō hoki kia ora ai ngā kaitākaro.

Koina te take kua whakawātea mai wēnā wiki o te Sate of Origin, kia tūwhera ai te kuaha mō ēnei whenua te tākaro.

Hei te rua tekau mā toru o Pipiri, hei te wā o State of Origin, ka tū tēnei kēmu.