Ka whakaputa te Kāwanatanga i te rēhita raweke tamariki

He nui ake i te toru tekau mā rima miriona tāra ka tuku atu ki tētahi kaupapa whakahaere rehita e tirohia ana te hunga raweke tamariki ki Aotearoa. Heio anō, e māharahara tonu ana tētahi mātanga arai taitōkai, me te kī ake he puna iti noa iho te tokomaha o te hunga ka hamenehia e te ture, ā, he pai kē atu me he mea ka aro atu te titiro ki ngā tikanga taupā.

Ka puta i te Kāwanatanga te rēhita raweke tuatahi e haumaru ai te noho a ngā tamariki, he kaupapa i ara ake i ngā kēhi pēnei ki tā Te Rito Henry Miki, i hāmenehia mō tana whakamahi pepa tuakiri teka kia whai mahi ai ki ngā kura maha, ahakoa ngā whiunga o mua mō te raweke me te patu i tētahi tamaiti, kia kaua ia e mahi me ngā tamariki.

Hei tā te mātanga arai taitōkai, a Tākuta Kim McGregor, he kōtahi paihēneti o roto i ngā kēhi raweke kotahi rau, ka hāmenehia e te ture

Ka noho te rehita ki tētahi pito pūmau, e whāngai ana i āna kōrero ki tētahi ohu mahi nā te Ope Pirihiamana, Ahumatua me te hunga mātai hinengaro. Ka tirohia rawatia e rātou ngā whakatūpatotanga a ngā kaihara me te waihanga rautaki kia kore rā anō rātou e raru, e hara. 

E wawata ana ka huataki ake te rēhita hei te tau rua mano tekau ma ono.