Ka whakarauorahia ngā ara waimāori ki Te Awa o Ngātoroirangi

Ahakoa te roa o te taukumekume, ka whakarauorahia ake ngā ara waimāori ki te awa o Ngatoroirangi, ki Maketu.

Kua tāharahara haere te hauora o te wai nei, mai anō i te wā i pāparetia atu ai te ngutuawa i te tau kotahi mano, e iwa rau, e rima tekau mā ono.

Nō reira, kua riro mā te kamupene J Swamp Contractors ngā mahi pāpare e whakahaere. He tekau mā toru ira rima miriona tāra te utu, ā, ka tīmata ēnei mahi hei te marama o Mahuru.