Kātahi te pō mekemeke mā Messam rāua ko SBW

Wikitōria Day

Kātahi te pō angitū mō te tokorua toa, mō Liam Messam rāua ko Sonny Bill Williams, inā rā, i papatū tahi rāua i ā rāua whawhai mekemeke ki Poihākena.

Kāre anō a Sonny Bill kia hinga. Ko tēnei whawhai ki a Chauncy Welliver nō Amerika tana wikitōria tuawhitu.

I whakaatuhia e Liam Messam tana hautoa, ā, i whakahinga ia i te tāne nō Ahitereiria tonu, i a Rhys Sullivan.

Mārama ana te kite, ko Messam te mea pakari ake mai i te timatanga. 

Nōna te waimarie, i noho tonu te tautōhito nei a Anthony Mundine hei kaiārahi mona.  I te taenga mai o te rauna tuatoru, i pakanga te uri Māori nei mō te hemo tonu atu.

I hāneanea te noho a Messam ki mua, ā, i whakaae katoa mai ngā kaiwhakawā ko ia te toa.