Kei mua noa atu a Nanaia Mahuta I te whakataetae a pōti mo Hauraki- Waikato

Kei ngā piko, kei ngā taniwha huri noa, tēnā koutou katoa. Ko te tūru Māori o Hauraki-Waikato, ko Kāwhia ki runga, ko Manurewa ki raro, mai anō e āhuru ana te nōhia e Reipa.

Ko te nuinga o tana tautoko e puea ake ana i a Tainui me te Kīngitanga, ka mutu, ko ngā tatau pōti o te wā a Whakaata Māori e mārama kitea ana te nui whakaharahara o aua tātai hono i tēnei rohe pōti.

Ko Nanaia Mahuta o te Rōpū Reipa, uri o te whare ariki o te Kīngitanga, mema paremata o wā anō hoki, kei mua i te rima tekau mā whitu ōrau.

Kei te tekau mā whā ōrau ko Susan Cullen o Te Pāti Māori, he wehenga tatau whā tekau mā toru ōrau te nui kei waenga i a ia me Nanaia.

Kei te tōna tekau ōrau noa a Angeline Greensil me te rōpū Ipurangi MANA

Heoi mō te hunga kāore i te mōhio ko wai kē ka pōtihia e rātou, he nui tonu te tatau i te tekau mā tahi ira whā ōrau

Ā, he whitu ira rua ōrau o rātou i uiuitia i te pakirehua a Whakaata Māori e mea ana kāore rātou mō te pōti, kāore rānei i te pōti mō tētahi o ngā kaitono nei.