Kei mua te ihu o Tirikatene i te rohe pōti o Te Tai Tonga

Ko te tuatahi o ngā rohe pōti Māori ka rukuhia e Te Kāea, ā, i a tātou ngahunga atu ana ki te Kōwhiringa Pōti, rua mano, tekau mā whā.

Haurua i te whitu karaka i te ata i te whaiwhai pōti a Rino Tirikatene - ahakoa tana ārahi mārika i ngā kaitono mā te whā tekau mā waru ōrau.

Ko te kaitono tuarua i te rēhi heihei ko Ngaire Button, e timotimo ana i ngā tatau tekau mā whitu orau.

I whakahuatia ko Georgina Beyer hei kaitono mā MANA e rima rā noa i mua i te otinga o ngā uiui mō tēnei tatau, nā reira hei tāna me mataara ngā kaitono ki a ia kei te iwa ōrau. 

Ā, ahakoa tana tūnga tuatoru ki Te Tai Tonga, kei te iwa orau noa a Dora Langsbury.

Nō reira ko Rino Tirikatene kei te whakaihuwaka, ehara i te āhuatanga hōu mō tōna whānau.  Neke atu i te ono tekau mā rua tau te whānau Tirikatene e pupuri ana i te tūru o te Tai Tonga.

Heoi ahakoa āna wero, kua tūreiti rānei te tū a Georgina Beyer?

Hei tā Ngaire Button, ko ngā kai kua horahia ki te Pāti Māori i te tēpu kāwanatanga, me aronui, ahakoa e kawa tonu ana ki ētahi tā rātou hononga ki a Nāhinara. 

Hei whakakapi ake, i te putanga o ngā tatau, ko te hunga whai whakaaro tonu me te hunga kore pōti e noho ana i te tekau mā whitu ōrau, nōreira, hoki atu hoki atu, ko rātou pea te kī ki te wikitōria.