Kei ngā ringaringa o te hunga rangatahi te ara whakamua mā te Hāhi Rātana

E whakapono ana tētahi māngai o te Hāhi Rātana mā te hunga rangatahi te kaupapa o te hāhi e kawe ki taumata kē hei ngā tau ki tua. 

He koroua, kuia, tamaiti hoki i tae atu ki te rā whakamoemiti i te Pā o Rātana, ā, e ai ki te māngai o te hāhi, a Waka Paama, kei te hīkoi whakamua rātou.

I tae atu anō a Kīngi Tuheitia me ētahi o ngā kaitōrangapu o te Rōpū Reipā, engari ko te aronga nui o te rā, ko te Iwi Morehu, me te whakanui i te rā whānau o Tahupōtiki Wiremu Rātana.

Hei tā Paama, kua noho raruraru ētahi o ngā mōrehu i ngā taone nui, engari mā te hāhi ka whai orangai ai rātou.

Heoi ki Rātana Pā, kua oti ngā mahi, ā, hui mai ai anō te Iwi Morehu nei hei tērā tau.