Kei taumata kē te kura o Hemi Kuki inainanei

I roto i ngā tatauranga NCEA a Te Mana Tohu Mātauranga mō te tau 2014, ko te Kura Tuarua o Hemi Kuki i raro rānō e putu ana, koia te take i whiwhi ai rātou i te taitara "Kura Koretake" o Tāmaki Makaurau i tera tau.

He mea e ngau kino tonu ana ki te tumuaki a Vaughn Couillault.

Heoi kotahi noa iho kua hipa, tūmeke ana te takahuri o aua tatauranga, ina kua puta i ngā tatauranga hou a Te Mana Tohu Matauranga, e kīa ko Hemi Kuki tētahi o ngā Kura Tuarua o Tāmaki, kei ngā taumata kē inaianei.

Kei te mārama a Vaughn Couillault ki te take i tino whakapau kaha ngā kaiako, ngā tauira me ngā whānau ki te whakatika i tēnei take.

Otirā, i te wā e whakatā ana ngā tauira, ka totohu tonu te ihu o te tumuaki ki te hāpai i ngā mahi ki ngā taumata tōtika, kia kore anō e utaina te taitara "Kura Koretake" ki runga i tōna kura.