Kei te āwhina a Hei Manaaki Ngā Kaumātua Charitable Trust i ngā kaumātua o Akarana

Ko te oranga ā tinana, ā hinengaro, ā wairua te whainga a te rōpū Hei Manaaki o ngā Kaumātua ki roto o Waipareira.  Nā rātou i whakakotahi mai ngā kaumātua o Tāmaki whānui  ki te kōrero mō ngā pēhitanga kei runga ia rātou, a ko te nohonga whare tētahi take tino pouri, tino āwangawanga mō rātou.

Mā wai atu hei kōrero i ngā nawe me ngā pēhitanga kei runga i ngā hunga kaumātua noho taone o tēnei ao, i tua atu i ngā kaumātua tonu, mā wai atu hei whai rongoa?

E ai ki a Whetu Tipiwai nō Hei Manaaki o ngā Kaumātua, “Haramai mātou i te rā nei ki te whakarongo atu ki ngā kaumātua ki ngā pakeke o Waipareira, he pēhea ngā whakāro i waenganui ia rātou, mā mātou hei kōrero he aha ngā kaupapa kei ia mātou hei āwhina ia rātou.”

He maha ngā pēhitanga kei runga i ngā pokohiwi o ngā kaumātua noho taone, a ko te nohonga whare tētahi e āwangawangatia ana.

Ki tā Sonny Niha nō Hei Manaaki o ngā Kaumātua, “Ko te hauora, te whaiora, me wā tātou pakeke, hoki mai ana o rātou whānau ki te noho i waenganui ia rātou engari ngā whare, tino hē ana wā rātou nohonga i roto i wā rātou whare nō te mea ngā pūtea puta mai ana kia rātou hei whakamahana ia rātou nohinohi noa ake nā. “

Hei tā Tipiwai, “Koina tētahi wā ka patua te nuinga o mātou, nā rātou mauiui i roto i ngā marama, koina tētahi mea.”

Hei ta te Tumu Whakarae o Te Whānau o Waipareira, ahakoa he aha te rongoa e tutuki ai ngā moemoeā a ngā kaumātua, me Kōkiritia i roto i te Kotahitanga, ka ea.

E ai ki a John Tamihere, “Kei te whakahuihui, kei te mahi tahi, kei te awhitia, arohatia, manākitia mō ngā ora tonu te kaumātua kia mātou.”

Ko te rōpū o Hei Manaaki o ngā Kaumātua Charitable Trust kei te para i te huarahi i roto i ngā whainga oranga mō a tātou kaumātua o te rohe o Tāmaki Makaurau whānui.