Kei te piki ake te mana o ngā kiriata Māori

Kei te tipu matomato te hiakai o te ao ki ngā kiriata Māori ia tau. Ko ngā ahurei pērā i te ahurei kiriata māori o Wairoa te take i tae mai ai ngā kaimātakitaki nō konei, nō tāwaahi hoki.

Kua angitū a Aotearoa ki konei ki tāwaahi hoki mō āna kiriata, heoi, ko ngā kiriata roa i karamatamatahia, ko ngā kiriata e kōrero ana mō te ahurea Māori, pērā i ngā kiriata o mua, a Whale Rider me Once Were Warriors.

Otira, i ngā tau tekau kua hipa, kua whaia e Te Tumu Whakaata Taonga te pae tawhiti kia tata. I tēnei wā, he mea tautoko nā rātou e kiia nei ko He Ara, he rua rau mano taara te rahi o ngā tahua pūtea, hei whakawhanake i ngā kiriata Māori, iwi moutere hoki.

Kei te kotahi atu te titiro o te Komihana ki ngā rā kei te heke mai, kia puta ai te waru ki te tekau mā rua ngā kiriata i tēnei tau me te hiahia nui mā te tahua pūtea hōu ka tipu tonu taua nama i roto i ngā tau e toru e rima kei te hāere.