Kei te whakapakari ake te hononga o Te Kuratini o Waikato ki tētahi kōhanga reo

Kei te whakapakari ake ngā tauira Māori, tauira Pasifika e ako ana i ngā mahi kamura i Te Kuratini o Waikato ki Tōku Mapihi Te Kōhanga Reo.

I tākoha atu ētahi whare tākaro, turu me ngā tēpu, hei whakanui i te toru tekau tau o te Kōhanga i tīmata tuatahi i raro i te marumaru o Te Kuratini o Waiakato

E whakamahia ana ngā akoranga kamura, hei hanga i te whare akoranga mā ngā tauira o āpōpō.

Hei tā tētahi tauira o Te Kuratini o Waikato, a Shannon Cairns, “Ka puta mai te harikoa, me whakāro ki tōku tamaiti, ka pēwhea ōna whakāro, i mua i te taenga mai ki kōnei, ka pēra o rātou whakāro.”

E ai ki tētahi atu tauira o Te Kuratini o Waikato, a Tazmin Heta, “I whakāro mātou he tūmahi noa iho, engāri i hua mai he tāonga mō te kōhanga reo.”

I ngā wiki e waru ki muri, ko ngā ākonga Māori, Pasifika hoki o te kura kāmura i Te Kuratini o Waikato, i hanga i ngēnei taonga mā ngā kōhanga reo o te takiwā.

E ai ki tētahi tauira anō o Te Kuratini o Waikato, a Shannon Cairns, “I mua i tō mātou timata i ēnei mahi ka kī atu tō mātou kaiako, kei te hoatu ēnei taonga ki tētahi kōhanga, ā ka mōhio mātou kei te haere ēnei ki ngā tamariki.  I runga i tēra whakāro, i whakāro mātou ia rā, ia rā, ko tēnei mahi ka tū ki tētahi kōhanga, ka pai mō ētahi tamariki.”

He hononga i tuia ai e tētahi tokorua i para i te huarahi mō Tōku Mapihi Te Kōhanga Reo, i ohorere katoa a pouako Mahia Green i te tono ki a ia mō tēnei kaupapa.

Hei tā tētahi pouako o Te Kohanga Reo o Tōku Māpihi, a Mahia Green, “I te whakarite mātou ki te whakanui te toru tekau tau o tēnei kohanga, i te mea i hua mai te kōhanga reo nei nō roto i te Kuratini i raro i ngā parirau a Kuia Katarina Mataira me Kui Petiwaia Manawaiti ia rāua e taki ana i Te Ataarangi.”

E hāngai pū ana ngēnei whare ki ngā kaupapa me ngā ākonga mō ngā tamariki i tēnei wāhanga o te tau.

Ki tā tētahi atu pouako o te Kōhanga Reo, a Mahia Green, “Kei te whakaako i ngā tamariki, nō whea rātou, ā rātou turangawaewae, ā rātou marae, nō rerira te kitenga atu i ēra whare, he whakatinana i ēra akoranga kei te ako ngā tamariki.”