Kia kaha te Māori kia wāia haere ki ngā whakarerekētanga o Te Ture Whenua Māori

Ko tā tētahi kamupene roia me aro a Ngāi Māori ki ngā whakarerekētanga mō te Ture Whenua Māori 1993.

I oti ngā hui ā-kanohi i te wiki kua hori, ēngari ka kati ngā tono ā-tuhi hei te marama e tū mai nei. 

Kei te tirohia e te rōpū rōia e Holland Beckett ngā whakahoutanga mō te ture.  Ki tā rātou me aro a Ngāi Māori ki te hōhonutanga o ēnei whakahoutanga, nā te mea e mimiti haere ana te wā.

I oti ngā hui ā-kanohi mō ngā whakahoutanga i te Ture Whēnua Māori i te wiki kua hori.

Nā te Minita Whanake Māori, nā Te Ururoa Flavell te whakahoutanga o te ture i tautoko me te kī ake, “Kua eke ki te wā kia whakahoungia ngā āhuatanga o te pire.  Mō te aha, mō te painga o te iwi Māori”

Ko te āki a Tania Te Whenua o Holland Beckett Lawyers, me tuku tono te Māori ki ngā whakatau kua puta ki runga i te pire whenua Māori, i te mea, ko ngā ture whenua e whakahou ana.  Ko tā Te Whenua, “Kia kaua e waiho mā rātou ngā rangatahi te whakatikatika i o mātou whakataunga o nāianei.”

Ka kati te wāhanga tuku tono ā-ture hei te tuawhitu o Hereturikōkā.