Kia kaua tātou e whakapae ake, nā ngā Hainamana katoa te hē - Jenny Lee-Morgan

Kia kaua tātou e whakapae ake, nā ngā Hainamana katoa te hē. Koia te whakahau a te Ahorangi Tuarua nei, a Jenny Lee-Morgan hei urupare ki tā Hone Harawira karanga kia whakamatehia ngā Hainamana mahi P.

He uri no Haina, he uri Māori hoki a Jenny Lee-Morgan tēnei, ko tāna, "Kia tūpato te korero mo te Hainamana anake, ehara ngā hainamana te raru. Ko te P te raru ko te moni te raru. Kia tupato tātou kia kaua e korero nā ngā Hainamana te hē mo ngā raruraru katoa o Aotearoa."

Ko tā Hone Harawira, Kaiārahi Rōpu Mana,"Ko te kainga o te P ko Haina, ko te kainga o ngā mea e mahi ana i te P no Haina, ko ngā trangata rangatira te kuki i te P no Haina te katoa."

No te hapori a Hone Harawira, he kino ki a ia te P, "E hiahia ana mātou kia mutu rāno i tēnei mamae e pā ana ki tō mātou nei iwi."

E ai ki a Jenny Lee-Morgan, "Tautoko au te karanga a Hone kia whakamatea tēnei mea te P, ehara ko te tāngata.

Kei te whakaae te Pāti Māori.

Ko tā Te Ururoa Flavell, "Kei te whakaae atu ki tā Hone kōrero kātahi te ngārara ko te P, me tītiro ki ētahi huarahi hou ki te āta ārai i tērā kaupapa i roto i ngā hapori Māori."

"Mā wai he whakakahoretia? Te kāwana he aha tō rātou mahi? Moumou taima tērā e hoa." - Hone Harawira.

Ko tā te Kāhui Tika Tāngata, kia kaua te tangata e kohuru i te tangata mo te tangata te take.

Ka kōrero a Hone Harawira ki ngā mema pāremata kia whakaturengia te kōhuru kainuku P.